குற்றியலிகரம்

நிலைமொழியின் ஈற்றெழுத்து குற்றியலுகரமாகவும், வருமொழியின் முதலெழுத்து யகரமாவும் இருக்குமிடத்து, இரண்டும் புணரும்போது நிலைமொழியின் இறுதியில் உள்ள குற்றியலுகரம் இகரமாகத் திரியும்.

இவ்வாறு திரியும் இகரம், தனக்குரிய ஒரு மாத்திரை அளவிலிருந்து குறைந்து அரை மாத்திரை அளவே ஒலிக்கும்.

இவ்வாறு குறுகி ஒலிக்கும் இகரம் குற்றியலிகரம் ஆகும்.

உதாரணம்

நாடு + யாது = நாடியாது

பஞ்சு + யாது = பஞ்சியாது

கண்டேன் + யான் = கண்டேனியான்

கொக்கு + யாது = கொக்கியாது

நாடியாது, பஞ்சியாது, கண்டேனியான், கொக்கியாது போன்ற சொற்களில் உள்ள இகரம் அரை மாத்திரை அளவே ஒலிக்கக் கூடியது.

இதேபோல், மியா என்னும் அசைச்சொல்லில் வரும் மி என்ற எழுத்தும் அரை மாத்திரை அளவே ஒலிக்கக் கூடியது.

உதாரணம்

கேள் + மியா = கேண்மியா