வங்கக் கடலை குடிநீராக்க முயற்சி

வங்கக் கடல் நீரை மந்திரம் சொல்லி குடிநீராக்குவதற்காக ஒன்னு போச்சு ( சாமியார்). அது பரவாயில்லை, அது அப்படி தான் பன்னும். விட்டால், இந்த உலகமே நான் மந்திரம் ஓதுவதால் தான் இயங்குகிறது என்று சொன்னாலும் சொல்லும்.

பொருநராற்றுப்பரடை

முடத்தாமகண்ணியார் என்னும் புலவர் கரிகால் சோழன் சிறப்புக்கள் குறித்து பாடிய நூல். பரிசு பெற விரும்பி இருக்கும் பொருநனை ஆற்றுப் படுத்துவதாக இந்த நூலில் உள்ள பாடல்கள் அமைந்துள்ளது. இந்த நூல் வஞ்சி அடிகளும் ஆசிரியத்தாளும் கலந்து 248 அடிகளில் அமைந்துள்ளது.

முல்லைப்பாட்டு

காவிரிபூம்பட்டினத்தில் உள்ள தங்க வணிகம் செய்த ஒரு வணிகரின் மகனான நப்பூதனார் என்பவர் இந்த முல்லைப்பாட்டை பாடியுள்ளார்.

இந்த நூல் முல்லை நிலத்திற்குரியதான இருத்தல் என்னும் ஒழுக்கத்தைப் பற்றி பாடப்பட்டுள்ளது. யுத்தம் செய்வதற்காகத் தலைவன் சென்று விடுகிறான்.

திராவிடக் கொள்கை விளக்க அறிக்கை (Dravidian Manifesto)

திராவிட இயக்கத்தின் முக்கிய கொள்கைகளான சுயமரியாதை, பகுத்தறிவு, சமுகநீதி மற்றும் சமத்துவம் ஆகியவற்றை அடிப்படையாகக் கொண்டு 23. 02. 2019 அன்று தஞ்சையில் நடைபெற்ற திராவிடர் கழக மாநில மாநாட்டில் கழகத் தலைவர் ஆசிரியர் மானமிகு கி.வீரமணி அவர்கள் 33 அம்சங்களைக் கொண்ட திராவிடக் கொள்கை விளக்க அறிக்கை (Dravidian Manifesto) ஒன்றை வெளியிட்டார்.

கம்யூனிஸ்ட் கட்சி அறிக்கை-6

பாட்டாளிகளும் கம்யூனிஸ்டுகளும்

ஒட்டு மொத்தமாய்ப் பாட்டாளிகளுடன் கம்யூனிஸ்டுகளுக்கு இருக்கும் உறவு என்ன?

கம்யூனிஸ்டுகள் ஏனைய தொழிலாளி வர்க்கக் கட்சிகளுக்கு எதிரான ஒரு தனிக் கட்சியாய் இருக்கவில்லை. அவர்கள் பாட்டாளி வர்க்கம் அனைத்துக்குமுள்ள நலன்களை அன்றி தனிப்பட்ட நலன்கள் எவையும் இல்லாதவர்கள். பாட்டாளி வர்க்க இயக்கத்தை வடிவமைக்க அவர்கள் தமக்கெனக் குறுங்குழுக் கோட்பாடுகள் எவற்றையும் வகுத்துக் கொள்ளவில்லை. ஏனைய தொழிலாளி வர்க்கக் கட்சிகளிடமிருந்து கம்யூனிஸ்டுகளை வேறுபடுத்திக் காட்டுகிறவை பின்வருவன மட்டுமே தான்;

பெண்களின் பருவப் பெயர்கள்

அந்தப் பொம்பள, அந்தப் புள்ள, பொட்டப் புள்ள, கிழவி அல்லது கெழவி, பெண், பெண் குழந்தை போன்றவற்றில் ஏதேனும் ஒரு பெயரின் மூலம் பெண்களின் பருவத்தை, தமிழகத்தின் பல்வேறு வட்டார வழக்குகளில் பயன்படுத்துவதுண்டு.

ஆனால், பெண்களின் சரியான பருவத்திற்கு ஏற்றவாறு, தமிழில் பெயர்கள் வழங்கப்பட்டு வருகின்றன.

இலையின் பருவப் பெயர்கள் மற்றும் மாற்றுப் பெயர்கள்

எல்லா தாவரங்களிலும் உள்ள, எல்லா பருவத்திலும் உள்ளவற்றை நாம் இலை என்ற பொதுப்பெயரிலேயே அழைப்பது வழக்கம்.

உதாரணமாக,

துளசி இலை, வாகை இலை, தூதுவளை இலை.

'விசா'வுக்காக காத்திருக்கிறேன்-6

குதிரை வண்டியிலிருந்து விழுந்த அனுபவம்!

1929 ஆம் ஆண்டில் பம்பாய் அரசாங்கம் தீண்டத்தகாதவர்களின் குறைகளைக் கேட்டறிந்து விசாரணை செய்ய ஒரு கமிட்டியை நியமித்தது. அக்கமிட்டியில் நானும் ஓர் அங்கத்தினராக நியமிக்கப்பட்டேன். தீண்டத்தாதவர்களுக்கு இழைக்கப்படும் அநீதி, ஒடுக்குமுறை, கொடுமை பற்றிய குற்றச்சாட்டுகளை விசாரிக்க இந்தக் கமிட்டி இராஜதானி முழுவதும் பயணம் செய்ய வேண்டியிருந்தது. கமிட்டி உறுப்பினர்கள் குழுக்களாகப் பிரிந்து பயணம் செய்ய முடிவு செய்தோம்.

'விசா'வுக்காக காத்திருக்கிறேன்-5

எனது அடக்கமும், அமைதியும் இந்த அழிவைத்  தவிர்த்தது. எப்போது காலி செய்யப்போகிறாய் என்று அவர்களில் ஒருவர் கேட்டார் அப்போது எனது தங்குமிடத்தை எனது உயிரை விட மேலானதாக நான் மதித்தேன். அக்கேள்வியில் பொதிந்திருந்த கருத்து கடுமையான ஒன்று. அதனால் நான் எனது மவுனத்தைக் கலைத்து, இன்னும் ஒரு வாரம் தங்க அனுமதிக்க வேண்டும் என்று கேட்டுக் கொண்டேன். அதற்குள் வீடு கேட்டு நான் அளித்த விண்ணப்பத்தின் மீது சாதகமான முடிவு ஏற்பட்டு விடும் என்று நான் கருதினேன். ஆனால் நான் கூறுவதையெல்லாம் கேட்கும் மனநிலையில் அந்தப் பார்சிகள் இருக்கவில்லை.

கம்யூனிஸ்ட் கட்சி அறிக்கை-5

பழைய சமுதாயத்தின் அடிமட்டத்து அடுக்குகளிலிருந்து எறியப்பட்டுச் செயலற்று அழுகிக் கொண்டிருக்கும் சமூகக் கசடாகிய "அபாயகரமான வர்க்கம்" பாட்டாளி வர்க்கப் புரட்சியால் எங்கேனும் ஒருசில இடங்களில் இயக்கத்துக்குள் இழுக்கப்படலாம். ஆனால் அதன் வாழ்க்கை நிலைமைகள் பிற்போக்குச் சதியின் கைக் கருவியாய் லஞ்சம் பெற்று ஊழியம் புரியவே மிகப் பெரும் அளவுக்கு அதைத் தயார் செய்கின்றன.

பூவின் பருவப்பெயர்கள்

பொதுவாக நாம் பூக்களை இரண்டே நிலைகளில் அடைத்து விடுவதுண்டு.

அதாவது, பூ மற்றும் மொட்டு என்ற இரண்டே நிலைகளில் குறிப்பிடுவதுண்டு.

உதாரணமாக, 

மல்லிகை மொட்டு, பருத்தி மொட்டு, மல்லிப்பூ, செம்பருத்திப்பூ போன்றவை.

யாப்பிலக்கணம்

தமிழ் இலக்கணத்தில் மிகவும் கடினமானதாக உணரப்படும் இலக்கணம் யாப்பிலக்கணம் ஆகும்.

யாத்தல் என்றால் கட்டுதல் என்ற பொருள்படும்.

யாப்பிலக்கணம் என்றால், ஒரு செய்யுளைக் கட்டுவதற்கான (செய்வதற்கான) இலக்கணம் என்று பொருள்படும்.

உயிர்மெய் எழுத்து

உயிர்மெய் எழுத்து என்பது சார்பெழுத்தின் ஒரு வகையாகும்.

உயிர்மெய் = உயிர் + மெய்

மெய்யெழுத்தும் உயிரெழுத்தும் சேர்ந்து பிறப்பது உயிர்மெய் எழுத்து ஆகும்.

கம்யூனிஸ்ட் கட்சி அறிக்கை-4

இந்த நெருக்கடிகளின் போது, இதற்கு முந்திய எல்லாச் சகாப்தங்களிலும் அடி முட்டாள்தனமாய்த் தோன்றியிருக்கும்படியான ஒரு கொள்ளை நோய் - அமித உற்பத்தி என்னும் கொள்ளை நோய் - மூண்டு விடுகிறது. திடுமென சமுதாயம் பின்னோக்கி இழுக்கப்பட்டுச் சிறிது காலத்துக்குக் காட்டுமிராண்டி நிலையில் விடப்படக் காண்கிறோம். பெரும் பஞ்சம், சர்வநாச முழுநிறைப் போர் ஏற்பட்டு வாழ்க்கைத் தேவைப் பொருள்கள் எவையும் கிடைக்காதபடி செய்து விட்டாற் போலாகிறது ; தொழிலும் வாணிபமும் அழித்தொழிக்கப்பட்டு விட்டதாய்த் தோன்றுகிறது - ஏன் இப்படி? ஏனென்றால் நாகரிகம் மிதமிஞ்சி விட்டது, வாழ்க்கைத் தேவைப் பொருள்கள் அளவு மீறிவிட்டன. தொழிலும் வாணிபமும் எல்லை கடந்து விட்டன. சமுதாயத்தின் வசமுள்ள உற்பத்தி சிக்திகள் முதலாளித்துவச் சொத்துடைமை உறவுகளின் வளர்ச்சிக்கு இனி உதவுவதாய் இல்லை. மாறாக, அவை இந்த உறவுகளுக்குப் பொருந்தாதபடி அளவு மீறி வலிமை மிக்கவையாகிவிட்டன. இந்த உறவுகள் அவற்றின் வளர்ச்சிக்குத் தடையாகி விட்டன.

சார்பெழுத்து

சார்பெழுத்துகள் என்பவை தனித்து ஒலிக்கக் கூடியவை அல்ல. இவை, முதலெழுத்துகளான உயிரெழுத்து மற்றும் மெய்யெழுத்துளைச் சார்ந்தே ஒலிப்பதால் இவை சார்பெழுத்துகள் என்று வழங்கப்படுகின்றன. சுருங்கச் சொல்வதெனில் பிறவற்றைச் சார்ந்து பிறப்பதால் இவை சார்பெழுத்துகள் ஆயின.

மெய்யெழுத்து

தமிழில் உயிரெழுத்துகளைப் போலவே, மெய்யெழுத்துகளும் தனித்து ஒலிக்கக் கூடியவை.

மெய்யெழுத்துக்கள் ஒற்றெழுத்துகள் என்றும் அழைக்கப்படுகின்றன. தமிழில் " க் " முதல் " ன் " வரை உள்ள 18 எழுத்துகளும் மெய்யெழுத்துள் ஆகும். அவையாவன,

க், ங், ச், ஞ், ட், ண், த், ந், ப், ம், ய், ர், ல், வ், ழ், ள், ற், ன்.

ஆகியவை ஆகும்.

மெய்யெழுத்துகள் அவற்றின் ஒலிக்கும் தன்மையை பொறுத்து, மூன்று வகைகளாகப் பிரிக்கப்பட்டுள்ளது. அவை,

1. வல்லினம்

2. மெல்லினம் மற்றும்

3. இடையினம்

கம்யூனிஸ்ட் கட்சி அறிக்கை-3

உற்பத்திக் கருவிகள் அனைத்தின் அதிவேக அபிவிருத்தியின் மூலமும், போக்குவரத்துச்  சாதனங்களில் பிரமாதமான மேம்பாட்டின் மூலமும் முதலாளித்துவ வர்க்கம் எல்லாத் தேசங்களையும், மிகவும் அநாகரிகக் கட்டத்தில் இருக்கும் தேசங்களையும் கூட, நாகரிக வட்டத்துக்குள் இழுக்கிறது. தன்னுடைய பண்டங்களின் மலிவான விலைகளை அது சக்தி வாய்ந்த பீரங்கிகளாய்க் கொண்டு, சீன மதிலை ஒத்த எல்லாத் தடை மதில்களையும் தகர்த்திடுகிறது ; அநாகரிகக் கட்டத்தில் இருப்போருக்கும் அந்நியர்பால் உள்ள முரட்டுப் பிடிவாத வெறுப்பைப் பணிய வைக்கிறது.

ஏற்காவிடில் அழியவே நேருமென்ற நிர்ப்பந்தத்தின் மூலம் அது எல்லாத் தேசங்களையும் முதலாளித்துவப் பொரு ளுற்பத்தி முறையை ஏற்கச் செய்கிறது ; நாகரிகம் என்பதாய்த் தான் கூறிக் கொள்வதைத் தழுவும்படி, அதாவது முதலாளித்துவமயமாகும்படி எல்லாத் தேசங்களையும் பலவந்தம் செய்கிறது. சுருங்கக் கூறுமிடத்து, அப்படியே தன்னை உரித்து வைத்தாற் போன்றதோர் உலகைப் படைத்திடுகிறது அது.

உயிரெழுத்து

தமிழில் "அ" முதல் "ஔ" வரை உள்ள 12 எழுத்துகளும் உயிரெழுத்துகளாகுளம். அவை,

அ, ஆ, இ, ஈ, உ, ஊ, எ, ஏ, ஐ, ஒ, ஓ, ஔ.

ஆகியவை ஆகும்.

உயிரெழுத்துகள்,

1. குறில் எழுத்துகள் மற்றும்

2.  நெடில் எழுத்துகள் என இரண்டு வகைகளாகப் பிரிக்கப்பட்டுள்ளது.

'விசா'வுக்காக காத்திருக்கிறேன்-4

அந்த உணவு விடுதி இரண்டு மாடிக் கட்டடமாக இருந்தது. தரைத் தளத்தில் பார்சிமுதியவர் ஒருவரும் அவரது குடும்பத்தினரும் வசித்து வந்தனர். அவர் அதன் பராமரிப்பாளர்; அத்துடன் அங்கு தங்கும் பயணிகளுக்கு உணவும் அளித்து வந்தார். வண்டி விடுதியை அடைந்ததும் அவர் என்னை மாடிக்கு அழைத்துச் சென்றார். நான் மேலே சென்றபோது வண்டிக்காரர் எனது சுமைகளை எடுத்து வந்தார். நான் அவருக்குக் கூலி கொடுத்ததும் அவர் சென்றுவிட்டார்.

முதலெழுத்து

முதலெழுத்துகள் என்பவை தனித்து நின்று ஒலிக்கக்கூடியவை மற்றும் தனித்தனி ஒலி அமைப்பைக் கொண்டவை. சுருங்கச் சொல்வதெனில் முதலெழுத்துகள் வேறு எந்த எழுத்துகளையும் சார்ந்திருப்பதில்லை.

முதலெழுத்துகள் இரண்டு வகைப்படும். அவை,

மாட்டுக்கறி அரசியல்

இந்த உலகத்தில் உள்ள எல்லா நாடுகளிலும் இரண்டு வகையான உணவுப் பழக்க வழக்கங்கள் உள்ளது. அவை,

1. புழால் (Non-veg), நம்ம பாஷையில் சொல்வதானால் அசைவம்.

2. மரக்கறி (Veg), நம்ம பாஷையில் சொல்வதானால் சைவம்.

புழால் உணவைப் பொறுத்தவரை, மாட்டுக்கறியே பிரதானமான உணவாகவும் உள்ளது.

மேலும், புழால் உணவு உண்பவர்களே உலகில் அதிகமாக இருப்பதாக ஏதோ ஒரு புள்ளி விபரத்தில் படித்ததாக நினைவு.

'விசா'வுக்காக காத்திருக்கிறேன்-3

விடியற்காலை 5 மணிக்கு எங்கள் வண்டிக்காரர் வந்து நாம் கோர்கானுக்குப் புறப்படலாம் என்று கூறினார். நாங்கள் ஒரேயடியாக மறுத்துவிட்டோம். காலை 8 மணிக்கு முன் நாங்கள் நகரமாட்டோம் என்று அவரிடம் கூறிவிட்டோம். எங்களை எந்த ஆபத்திலும் உட்படுத்திக் கொள்ள நாங்கள் விரும்பவில்லை. வண்டிக்காரர் பதிலேதும் கூறவில்லை. எனவே காலை 8 மணிக்குப் புறப்பட்ட நாங்கள் 11 மணிக்கு கோர்கானைச் சென்றடைந்தோம். எங்களைக் கண்ட எங்கள் தந்தை வியப்படைந்தார். நாங்கள் வரப் போவதைப் பற்றிய தகவல் எதுவும் தனக்குக் கிடைக்கவில்லை என்று அவர் கூறினார். அவருக்குக் கடிதம் எழுதிவிட்டுத்தான் வந்ததாக நாங்கள் அவரிடம் கூறினோம். எங்கள் தந்தையின் பணியாளரின் தவறு என்பது பின்னர் கண்டுபிடிக்கப்பட்டது. எங்களின் கடிதத்தை அந்தப் பணியாளர் எங்கள் தந்தையிடம் கொடுக்கத் தவறிவிட்டார்.

கம்யூனிஸ்ட் கட்சி அறிக்கை-2

முதலாளித்துவ வர்க்கம் அதனுடைய வளர்ச்சியின் ஒவ்வொரு படிக்கும் ஏற்றவாறு அரசியல் வெற்றிகளும் அடைந்தது. பிரபுத்துவக் கோமான்களது ஆதிக்கத்தில் ஒடுக்கப்பட்ட ஒரு வகுப்பாகவும், மத்திய காலக் கம்யூனில்* ஆயுதமேந்திய தன்னாட்சிக் கழகமாகவும் இருந்தது.

* "கம்யூன்" என்பது பிரஞ்சு நாட்டில் உதித்தெழுந்துவந்த நகரங்கள், அவற்றின் பிரபுத்துவக் கோமான்களிடமிருந்தும்ருந்தும் ஆண்டான்களிடமிருந்தும் வட்டாரத் தன்னாட்சியும் அரசியல் உரிமைகளும் வென்று "மூன்றாவது ஆதீனம் (third estate)" ஆகும் முன்னரே தமக்கு இட்டுக் கொண்ட பெயராகும்.

எழுத்திலக்கணம்

ஒரு மொழியின் ஒலி மற்றும் வரி வடிவமே எழுத்து ஆகும்.

ஒரு எழுத்தை உச்சரிக்கும்போது தோன்றும் ஒலியே அதன் ஒலி வடிவமாகும்.

ஒரு எழுத்தின் எழுத்து வடிவமே அதன் வரி வடிவமாகும்.

எழுத்து இரண்டு வகைகளாகப் பிரிக்கப்பட்டுள்ளது. அவை,

1. முதலெழுத்து       மற்றும்

2. சார்பெழுத்து      ஆகும்.

கம்யூனிஸ்ட் கட்சி அறிக்கை-1

உழைக்கும் மக்கள் அல்லது பாட்டாளி வர்க்கத்திற்கான பொருளாதார தீர்வை அறிவியல்பூர்வமாக அணுகிய பொருளாதார மற்றும் சமூக அறிஞர் காரல் மார்க்ஸ் ஆவார். கம்யூனிஸ்ட் கட்சி அறிக்கை பல்வேறு மொழிகளில், பல்வேறு பதிப்புகளில் வெளியிடப்பட்டது.

1872 ஆம் ஆண்டு ஜெர்மன் பதிப்பு.

1882 ஆம் ஆண்டு ரஷ்ய பதிப்பு.

1883ஆம் ஆண்டு ஜெர்மன் பதிப்பு.

1888 ஆம் ஆண்டு ஆங்கில பதிப்பு.

1890ஆம் ஆண்டு ஜெர்மன் பதிப்பு.

1892 ஆம் ஆண்டு போலிஷ் பதிப்பு.

1893 ஆம் ஆண்டு இத்தாலிய பதிப்பு.

குறிஞ்சிப் பாட்டு

பத்துப்பாட்டில் ஒன்றான குறிஞ்சிப் பாட்டினை பெரும்புலவர் கபிலர் பாடியுள்ளார். இவர் பறம்பின் கோமான் என்று போற்றப்படும் வேள்பாரியின் உயிர்த்தோழர் ஆவார். இவர் "குறிஞ்சிக்கு ஒரு கபிலர்" என்று போற்றப்படக்கூடியவராவார். அதாவது குறிஞ்சியை பாடுவதில் இவருக்கு நிகர் இவரே. குறிஞ்சிப்பாட்டு 261 அடிகளைக் கொண்டது. குறிஞ்சிப் பாட்டில் 99 வகையான தமிழ் பூக்களின் பெயர்கள் கூறப்பட்டுள்ளது.

'விசா'வுக்காக காத்திருக்கிறேன்-2

அரைமணி நேரம் கழித்து வந்த ஸ்டேஷன் மாஸ்டர் நீங்கள் என்ன செய்யப்போகிறீர்கள் என்று எங்களை கேட்டார். மாட்டுவண்டி வாடகைக்குக் கிடைத்தால், கோர்கான் வெகு தொலைவு இல்லை என்பதால், நாங்கள் உடனே புறப்படுவதாக கூறினோம். வாடகை சவாரிக்கு வரும் மாட்டு வண்டிகள் பல அங்கிருந்தன. ஆனால் நாங்கள் மஹர்கள் என்று ஸ்டேஷன் மாஸ்டரிடம் நான் கூறிய செய்தி அனைத்து மாட்டு வண்டி காரர்களுக்கும் தெரிந்து விட்டபடியால், தீண்டத்தகாதவர்களை தங்கள் வண்டியில் ஏற்றிக்கொண்டு சென்று தங்களை இழிவு படுத்திக் கொள்ளவோ, தங்களை சுத்தப் படுத்திக் கொள்ளவோ அவர்களில் எவரும் விரும்பவில்லை. இரண்டு மடங்கு கட்டணம் தருவதாக நாங்கள் கூறிய போதும், பயன் ஏதுமில்லை. எங்களுக்காகப் பேசிக் கொண்டிருந்த ஸ்டேஷன் மாஸ்டர் என்ன செய்வது என்று தெரியாமல் பேசாமல் நின்று கொண்டிருந்தார்.

இயற்பகை நாயனாரின் ஆணாதிக்கம்

இயற்பகை நாயனார் என்பவர் 63 நாயன்மார்களில் ஒருவராகக் கருதப்படுகிறார். இவரைப் பற்றிய குறிப்பு தேவாரத்தின் ஏழாம் திருமுறையில் சுந்தரமூர்த்தி நாயனாரால் இயற்றப்பட்ட திருத்தொண்டத்தொகையில் காணப்படுகிறது. தேவாரம் என்பது சைவ சமய கடவுளாகிய சிவபெருமானை பற்றி பாடப்பட்ட பன்னிரண்டு திருமுறைகளில் முதல் ஏழு திருமுறைகளின்  தொகுப்பாகும். இவற்றில் முதல் மூன்று திருமுறைகள் பாடியவர் திருஞானசம்பந்தர், அடுத்த மூன்று திருமுறைகளைப் பாடியவர் அப்பர் என்கிற திருநாவுக்கரசர் மற்றும் இறுதியான ஏழாம் திருமுறையை பாடியவர் சுந்தரமூர்த்தி நாயனார் ஆவார். இது சிவபெருமானுடைய அடியார்களைப் பற்றி பாடுவதால் இப்பெயர் பெற்றது. இதில் குறிப்பிடப்பட்டுள்ள இயற்பகை நாயனாரைப் பற்றி சொல்லப்படும் ஒரு கதையைப் பார்ப்போம்.

'விசா'வுக்காக காத்திருக்கிறேன்-1

விசாவுக்காக காத்திருக்கிறேன் என்பது அண்ணல் அம்பேத்கருடைய ஆங்கில நூலின் மொழிபெயர்ப்பாகும். தான் ஒரு தீண்டத்தகாதவனாக இருந்ததற்காக அவர் மனம் பட்ட பெரும் வேதனைகளை அவரது சொந்த வாழ்வில் ஏற்பட்ட நிகழ்வுகளால் விவரிக்கிறார். அதற்காக தனது இளமைக் காலத்தில் அவர் மீது சுமத்தப் பட்ட அவமானங்களை நினைத்துப் பார்க்கிறார். அந்த அவமானங்கள் எவ்வாறு தனது அயல்நாட்டு கல்வியின் மீது தாக்கத்தை ஏற்படுத்தியது என்பதையும் கூறுகிறார்.

நெடுநல்வாடை

நெடுநல்வாடை என்பது சங்க இலக்கியங்களின் பத்துப் பாடல்களில் ஒன்றாகும். இது முதல் தமிழ் சங்கத்தில் பங்கேற்ற, நெற்றிக்கண் திறப்பினும் குற்றம் குற்றமே என்று வாதாடிய, பெரும் புலவர் நக்கீரனால், தலையானம் கானத்து செருவென்ற நெடுஞ்செழிய பாண்டியனை பாட்டுடைத் தலைவனாகக் கொண்டு பாடப்பட்டது.

நெடுநல்வாடை என்பது நீண்ட நல்ல வாடை காற்றை பற்றி கூறக்கூடிய பாட்டு என்று அர்த்தம்.

கண்ணகி சிலையும் தி.மு.கழகமும்

தமிழகத்தில் வடமொழி கலப்பினால் சிதிலமடைந்து கிடந்த தமிழ் மொழியும் பார்ப்பனியத்தால் வீழ்ந்து கிடந்த இனப்பற்றும் திராவிட இயக்கங்களின் எழுச்சிக்கு பிறகே மறுமலர்ச்சியடைந்தன. குறிப்பாக தி.மு.கழகத்தின் எழுச்சிக்கு பிறகு தமிழ் இலக்கியங்களில் முதன்மையான திருக்குறள் வெகுஜனப்படுத்தப்பட்டது. இதற்கு அடித்தளமிட்டவர் பகுத்தறிவு பகலவன் தந்தை பெரியார். 1949 ஆம் ஆண்டே அவர் திருக்குறள் மாநாட்டினை நடத்தினார். என்னதான் சில குறள்களில் மாற்று கருத்து இருந்தாலும் இதனை செய்ய அவரால் மட்டுமே முடிந்தது.

சிலப்பதிகாரத்தில் கண்ணகியின் பார்ப்னியம்

கண்ணகி என்ற பெயரை கேட்டவுடனேயே " மதுரையை எரித்த கண்ணகி" என்பது நினைவுக்கு வந்துவிடும். அசோகன் என்றவுடன் "அசோகர் மரம் நட்டார்" என்பது நினைவுக்கு வருவது போல. கண்ணகி சிலருக்கு "மதுரையை எரித்தவள்". சிலருக்கு "வீரத்தமிழச்சி". இன்னும் சிலருக்கு "அப்பத்தா". இது போன்று ஏராளான முகங்கள் உள்ளன. இவை எல்லாம் மற்றவர்களின் பார்வைக்கு.

ஆனால், இங்கு நாம் கண்ணகியினுள்ளே குடிகொண்டிருந்த பார்ப்பனிய முகத்தைப் பற்றி பார்ப்போம்.

ஆனால், அது கண்ணகியின் பார்ப்பனியமா? அல்லது கண்ணகியின் வழியாக தன்னுடைய பார்ப்பனியத்தை வெளிக்காட்டினாரா நம்ம புலவர் இளங்கோவடிகள் என்பது அவரவர்களின் பார்வைக்கு இருக்கட்டும். ஏனெனில் இது நம்ம இளங்கோவின் கற்பனையே. அப்படி என்னதான் அந்த ஐம்பெரும் காப்பியங்களில் ஒன்றான சிலப்பதிகாரத்தில் சொல்லப்பட்டுள்ளது என்று பார்க்கலாம்.

அட்சய திருதியை

நாம் என்னதான் படித்திருந்தாலும், மூடநம்பிக்கைகளுக்கு ஒன்றும் பஞ்சமில்லை. பணம் குடுத்தாலோ அல்லது வாங்கினாலோ வாசலில் நின்று செய்யக்கூடாதாம். ஒன்று வாசலுக்கு உள்ளே நின்று செய்ய வேண்டும் இல்லையென்றால் வாசலுக்கு வெளியே நின்று செய்ய வேண்டும். ஆனால் வாசலில் மட்டும் நின்று செய்ய கூடாதாம். இந்த வரிசையில் ஒன்றுதான் அட்சய திருதியை. அன்று தங்கம் வாங்கினால், தங்கம் பெருகுமாம். காரணம் என்னவேண்டுமானாலும் இருக்கட்டும். எதுவாக இருந்தாலும் மூடநம்பிக்கை தான், அதாவது அன்றைக்கு தான் நகை வாங்க வேண்டும் என்பதற்கு என்ன காரணம் சொன்னாலும் அது மூடநம்பிக்கையின் வெளிப்பாடே.

இட ஒதுக்கீடு

இட ஒதுக்கீட்டை பற்றி தவறான கருத்துகள் வேண்டுமென்றே பரப்பப்பட்டு வருகின்றன. இதில் வேடிக்கை என்னவென்றால் எவர் இட ஒதுக்கீட்டின் மூலமாக படித்தாரோ, எவர் இட ஒதுக்கீட்டின் மூலமாக சமுதாயத்தில் நல்ல அந்தஸ்த்தில் இருக்கிறாரோ, எவர் ஒதுக்கீட்டின் பலனை அனுபவித்து வருகின்றேரோ அவரே அதைப் பற்றி தவறாக பேசக் கூடிய சூழ்நிலை உள்ளது. எனில் இட ஒதுக்கீடு என்றால் என்ன? வாருங்கள் இட ஒதுக்கீடு என்றால் என்ன அதை குறிப்பிட்ட சிலர் மட்டும் எதிர்ப்பதற்கு காரணம் என்ன போன்றவற்றை இந்த பதிவில் பார்க்கலாம்.

திருவிளையாடல் புராணம்

பரஞ்சோதி எனும் முனிவரால் இயற்றப்பட்ட நூல் திருவிளையாடல் புராணம் என்று கூறப்படுகிறது. இதில் அறுபத்து நான்கு படலங்கள் உள்ளன. அவற்றில் சில படலங்களை வைத்து தான் நாம் அணைவரும் அறிந்த சிவாஜி கணேசன் மற்றும் சாவித்திரி நடித்து 1965 ஆம் ஆண்டு வெளிவந்த திருவிளையாடல் திரைப்படம் உருவானது. அந்த அறுபத்து நான்கு படலங்களில் ஒன்றுதான் கீரைனை(நக்கீரன்) கரையேற்றிய படலம்.

அடியே புள்ளய தூக்கிட்டு அங்குட்டு போகாதடி

தமிழகமெங்கும் அல்லது இந்து மதம் என்று சொல்லப்படக்கூடிய பார்ப்பன மதத்தை ஏற்றுக் கொண்டிருக்கக் கூடியவர்கள் இடையே நிகழ்ந்த மற்றும் நிகழ்ந்து கொண்டிருக்கின்ற உண்மையான நிகழ்வுகளை அடிப்படையாக கொண்டது.

Atheism: An alternative culture

People think that atheism is all about denial of God, denial of religion, denial of their Holly books, denial of their beliefs and denial of their doctrines. These are all the common man thoughts about atheism. Is that true about atheism? Of course not.

சிவபெருமானுக்கு சம்பந்தி

தமிழரின் நாகரிகம் பற்றி பல இலக்கியங்களில் குறிப்பிடப்பட்டிறிந்தாலும், திருவெங்கை கலம்பகம் ஒரு இடத்தில் மிகவும் கவனத்தை ஈர்க்கிறது. தன் மகளை பெண் கேட்டு வந்த சக்கரவர்த்தியின் பரிவாரங்களை, தமிழனை பற்றி இழிவாக பேசியதற்காக விரட்டியடித்தான் ஒரு குறுநில மன்னன் என்று கூறுகிறது.